دا څرګندونې د افغانستان او پاکستان له پاره د امریکا محتحده ایالاتو ځانګړی استازی ریچارډ اولسن په واشنګټن کې د اتلانتیک کونسل په نوم مهم څېړنیز انستیتیوت کې د وینا پر مهال وکړې.
د جمهور آژانس د خبر له مخې اولسن تېره ورځ په دغه انستېتیوت کې د پاکستان ځینو اندېښنو ته په اشارې سره و ویل، د امریکا متحد ایالتونه باور لری چې پاکستان به تر هغو امن نه وي، تر څو یې د تروریستي تنظیمونو پر ضد اقدام نه وي کړی.
د امریکا دغه ځانګړي استازي په افغانستان کې د هند د رول په اړه د پاکستان اندېښنه له مبالغې ډکه وبلله او ویې ویل، چې حقیقت دا دی چې د پاکستان د تبلیغاتو خلاف هند په افغانستان کې یوازې څلور کونسلګرۍ لري.
اولسن په دې اړه د یوې پوښتنې په ځواب کې و ویل:«زه ځینې وخت احساس کوم چې په افغانستان کې به د هند د نفوذ د اندازې په اړه په پاکستان کې مبالغه کېږي.»
نوموړي وویل، چې هند د افغانستان یو ملاتړ کوونکی متحد دی او دې هېواد افغانستان ته د مالي مرستو ترڅنګ مهمې پوځي مرستې ورکړي دي.
جمهورآژانس:کابل