امنیتي چارواکي وایي، په پکتیا ولایت کې د افغان او بهرنیو ځواکونو په هوايي او ځمکنیو عملیاتو کې ۲۳ تنو وسله والو ته مرګ ژوبله اوښتې ده.
د جمهور آژانس د خبر له مخې د چارواکو په خبره دغه عملیات تېره ورځ د پکتیا ولایت په سیدکرم او زرمت ولسوالیو کې تر سره شوي دي.
په پکتیا کې د ګډو ځواکونو د همغږۍ قوماندان جنرال محمد ولي ځاځی وايي لومړی د بهرنیو ځواکونو بې پیلوټه الوتکې د سیدکرم ولسوالۍ په سین سیمه کې د هوايي برید پر مهال ۱۲ وسله وال طالبان وژلي دي.
نوموړي زیاته کړه، چې په دې برید کې د طالبانو یو صرف، یوه سراچه موټر یو موټر سایکل، او یو میل زیکویو هم له منځه تللي دي.
بل خوا ځاځی زیاتوي، چې په زرمت ولسوالۍ کې افغان ځواکونو د عملیاتو په ترڅ کې ۷ وسله وال وژل شوي او څلور نور ټپیان شوي دي.
تر اوسه پورې طالبانو په دې اړه څه نه دي ویلي.
جمهورآژانس:پکتیا