د پاکستان د هوايي ځواکونو یوه پیلوټه مریم مختار د تمریني پرواز پر مهال د الوتکې د سقوط له امله مړه شوې ده.
د جمهور آژآنس د خبر له مخې د پاکستان پوځ وايي، دا پېښه تېره ورځ د میانوالي سیمې ته نږدې د هوايي ځواکونو د ورځني تمرین پر مهال شوې ده.
پاکستاني پوځ زیاته کړې، چې مریم مختار او ثاقب عباسي د تمرین په وروستي پړاو کې له بیړني وضعیت سره مخامخ شول او الوتکې یې سقوط وکړ.
باید وویل شي، مریم مختار د پاکستان د هوايي ځواک لومړۍ ښځينه پیلوټه ده چې دندې د ترسره کولو پر مهال مړه شوه.
جمهور آژنس:کابل