روسي استخباراتو خبردارۍ ورکړی، چې د طالبانو او داعش ډله په منځنۍ اسیا کې د بریدونو له پاره د چمتووالي په حال کې دي.
د جمهور آژانس د خبر له مخې اسوشیتید پریس خبري اژانس وايي روسي استخباراتو دغه خبردارۍ تېره ورځ ورکړی دی.
د روسیې د فدرالي استخباراتو د ادارې رييس الکساندر بورتنیکوف ویلي، چې د افغانستان په شمال کې د منځنۍ اسیا د هیوادونو په پوله کې د طالبانو، چې ځینو یې د اعش له وسله والې ډلې سره وفاداري اعلان کړې ده، راغونډېدو د حملې خطر خورا زیات کړی دی.
باید وویل شي، چې د روسیې ولسمشر ولادیمیر پوتین د روانې میاشتې په لومړیو کې د افغانستان حالات حساس بللې و او د پخواني شوروي اتحاد پر جمهوریتونو یې ږغ کړی و چې د احتمالي حملې د مخنیوي لپاره اقدام ته ځان تیار کړي.
جمهور آژآنس:کابل