د پاکستان د مسلم لیګ ګوند د قاید ډلې مشر او پخوانی لومړی وزیر چودري شجاعت حسین وايي چې د افغانستان او پاکستان تر منځ دوستانه اړیکې په ټوله سیمه کې د سولې د ټینګښت له پاره اړینې دي.

د پاکستان د مسلم لیګ ګوند د قاید ډلې مشر او پخوانی لومړی وزیر چودري شجاعت حسین وايي چې د افغانستان او پاکستان تر منځ دوستانه اړیکې په ټوله سیمه کې د سولې د ټینګښت له پاره اړینې دي.
د جمهور آژآنس د خبر له مخې دغه پاکستاني پخواني چارواکي او سیاستوال د جمعې په ورځ په اسلام آباد کې رسنیو ویلي، چې دواړه هېوادونه باید د اړیکو د ښه کولو له پاره تېر هېر کړي او په خپل منځ کې دوستانه اړیکې پیاوړې کړي.
شجاعت حسین په خپلو خبرو کې ویلي« ښه دا ده چې د دوو هیوادونو ترمنځ دوستانه اړیکې څومره چې کېدای شي هومره ژر تازه شي.»
د هغه په وینا پاکستان او افغانستان باید تر خپل منځ اړیکې د پخوا په شان کړي، چې د خلکو تګ راتک باید بېرته هغه حالت خپل کړي، چې پخوا وو.
نوموړي زیاته کړې، چې پخوا روان دا و، چې د کابل خلکو په لنډي کوتل کې کورنه درلودل او د لنډي کوتل نمايي خلکو په افغانستان کې سوداګري کوله.
دغه پاکستاني سیاستوال «د دواړو هیوادونو خلک د هماغو اړیکو په خاطر له یو بل سره مینه او د سوله ییز ژوند تجربې لري. په سیمه کې د سولې د ساتلو لپاره پکار ده چې هماغسي رغنده او ګټور چاپېریال رامنځته کړای شي.»
شجاعت حسین د دواړو هېوادونو حکومتونو ته سپارښتنه وکړه چې د منتخبو استازو، سوداګرو، محصلانو او سپورټي لوبغاړو په وسیله د ولسونو ترمنځ راشه درشه زیاته کړي.
شجاعت حسین په داسې حال کې د افغانستان او پاکستان د اړیکو په ښه کېدا ټينګار کوي، چې افغان ولسمشر د پاکستان سره د اړیکو ښه کېدا ته محتاطانه خوشبیني ښيي او اجرائیه رییس وايي، چې د پاکستاني چارواکو په خبرو کې بدلون راغلی خو په عمل کې نه.
خو د پاکستان دغه سیاستوال ویلي، «موږ باید د تروریستي فعالیتونو او په خپلو خاورو کې ترهګرو ته د پناه ورکولو د تېرو خبرو په خاطر یو بل ته د انتقاد ګوته ونه نیسو.»
شجاعت حسین د افغانستان له اجرايي ريیس عبدالله عبدالله څخه وغوښتل چې له پاکستان سره د دوستۍ وړاندیز ومني، د تېرو وختونو پېښې هېرې کړي او وبخښي او په نوې روحیه د سولې او سوکالۍ اراده وښيي ځکه چې د ده په وینا عمومي نظر دا دی چې دی (عبدالله) پاکستان ته ښه نظر نه لري.
نوموړي زیاته کړې، چې عبدالله دې له پاکستان سره د دوستانه اړیکو د نه لرلو له نظره لاس واخلي.
ده ټینګار وکاوه چې په جنوبي اسیا کې یوازې په هغه صورت کې سوله ممکنه ده چې دواړه هیوادونه عاقلانه پرېکړې وکړي.
په ورته وخت کې نوموړي د پاکستان له حکومته وغوښتل، چې د افغانستان ولسمشر محمد اشرف غني، اجرايي ريیس او نورو مشرانو ته بلنه ورکړي چې پاکستان ته سفر وکړي څو د دوو هیوادونو ترمنځ ورورګلویزې اړیکې پراخې او ټینګې شي.
جمهور آژآنس: کابل