د پخواني ولسمشر حامد کرزي ویاند ایمل فیضي ویلي امریکايي چارواکو له ښاغلي کرزي سره په یوه ناسته کې په ډاګه ویلي و، هغه وسله وال او ځانمرګي بریدونه چې افغانانو ته په کې مرګ ژوبله اوړي د امریکا له پاره ترورېزم نه دی.

د پخواني ولسمشر حامد کرزي ویاند ایمل فیضي ویلي امریکايي چارواکو له ښاغلي کرزي سره په یوه ناسته کې په ډاګه ویلي و، هغه وسله وال او ځانمرګي بریدونه چې افغانانو ته په کې مرګ ژوبله اوړي د امریکا له پاره ترورېزم نه دی.
د ښاغلي فیضي په خبره امریکايي چارواکو ویلي وو یوازې هغه څوک چې د امریکا ملي ګټې، د هغوی سفارت او د امریکا اتباعو ته ګواښ پېښوي هغه ترهګر دي.
د جمهور آژآنس د خبر له مخې ښاغلي فیضي دغه څرګندونې وروسته له هغې کړې، چې د امریکا دفاع وزارت څو ورځې وړاندې اعلان وکړ، چې له ۲۰۱۴ کال وروسته به ملا عمر په ګډون د طالبانو د تحریک غړي په نښه نه کړي.
د امریکا دفاع وزارت ویلي امریکایي ځواکونه به نور له ملاعمر او طالبانو سره په افغانستان کې جنګ نه کوي مګر دا چې هغوی امریکا ته مستقیم ګواښ وګرځي.
‪ ښاغلي فیضي ویلي، چې د دې خبر له لوستلو سره سم یې د پخواني ولسمشر، حامد کرزي وروستی رسمي سفر امریکا ته په یاد شو او کوم مذاکرات او حقایق چې هلته د طالبانو په اړه د امریکا د نوې ستراتیژۍ په هکله څرګند شول.
د بي پي سي د رپوټ پر بنسټ فیضي چې له دې سفر څخه مخکې، د امریکا د بهرنیو چارو اوسنی وزیر، جان کري، کله چې د سنا د بهرنیو اړیکو د کمیټې مشر و، ولسمشر کرزي ته یې یوه ورځ په کابل کې د څو تنو محدودو افغان چارواکو په حضور کې و ویل چې ‪ملا عمر د پاکستان په کراچۍ ښار کې، د پاکستان د نظامیانو تر ساتنې لاندې دی
ده زیاته کړې، چې کرزي فوراً ورته و ویل ‪ چې داسې ده امریکا ولې د هغه د نیولو اقدام نه کوي؟ امریکا د هغه پر سرپه میلیونونه ډالر نقدي انعام ایښی دی، په افغانستان کې د هغه په نامه بې ګناه خلک هره ورځ وژل کیږي او د طالب په نامه دلته جګره روانه ده خو ملا عمر ستاسو او د پاکستان د نظامیانو تر نظر لاندې په کراچۍ کې دی؟!‪
فیضي وایي، جان کيري جمهور رییس کرزي ته قانع کوونکی ځواب نه درلود، خو دا یې و ویل چې جنرال کیاني وایي چې ملا عمر زموږ ترنظارت لاندې دی.
امریکې ته د ولسمشر کرزي په وروستي رسمي سفر ‪ ‪ کې (۲۰۱۳، جنوري) د امریکا د امریکا د ملي امنیت پخواني مشاور، توماس ډانیلون د امریکا د استخباراتو د مشر او نورو لویو چارواکو په حضور کې وویل چې له ۲۰۱۵ کال وروسته طالبان د امریکا دښمنان نه دي او امریکا به ددوی پرخلاف نور جنګ نه کوي، خو امریکا به افغانستان کې د تروریزم پرخلاف خپلې جګړې ته لاهم دوام ورکړي.
دی زیاتوي، چې ولسمشر کرزي ته دا عجبه وه چې د امریکاد ملي امنیت مشاور طالبانو ته وخت او کال تعیینوي، چې تر دغه ۲۰۱۴ کال (ډیډلاین) وروسته په افغانستان کې طالبان د امریکا دښمن نه دی.
ښاغلي فیضي ویلي جمهور رییس کرزي امریکايي چارواکو ته و ویل، له دغه کال وروسته په افغانستان کې تروریست او تروریزم ستا لپاره څوک او څه دی؟
دی وايي، د امریکا د ملي امنیت مشاور و ویل، څوک چې په افغانستان کې زموږ پر سفارت، زموږ پر اتباعو او منافعو باندې برید وکړي او یا له ګواښ سره یې مخامخ کړي.
د هغه په وینا پخواني ولسمشر کرزي بیا پوښتنه وکړه، چې که زموږ په یوه ښار کې په یوه ځانمرګي برید کې ۷۰ یا ۸۰ کسان و وژل شول دا ستاسو لپاره تروریزم دی؟ د امریکا د ملي امنیت مشاور وویل، نه!
فیضي زیاته کړې، چې جمهور رییس کرزي په دې خاطر چې ځان یې د نوموړي چارواکې له اظهاراتو مطمین کړی وي، یو ځل یې بیا وپوښتل ‪ که د طالبانو په جامو کې څو زره تروریستان د پاکستان څخه افغانستان ته راشي او د افغانستان د خاورې یوه برخه سقوط وکړي، او خپل بیرق پورته کړي بیا؟ د امریکا د ملي امنیت مشاور په ځواب کې وویل دا به ستاسو او پاکستان ترمنځ خپله یوه مسله وي، نه د امریکا.
دی وايي، چې د دغه سفر په جریان کې د افغانستان د سولې د پروسې او د طالبانو لپاره په قطر کې د دفترپر موضوعاتو باندې مفصلې خبرې وشوې‪.
د هغه په وینا امریکایي چارواکو د طالبانو لپاره په قطر کې د دفتر پر پرانیستلو باندې ډېر ټینګار درلود او ویل یې چې یوازې د قطر دفتر د مذاکراتو لپاره سم آدرس دی.‪
د تر دغو مذاکراتو او ملاقاتونو وروسته ولسمشر کرزي له خپل پلاوي څخه تکرارٍاً وپوښتل امریکا ولې د طالبانو په نمایندګۍ زموږ سره خبري کوي؟ امریکا ته د ملا عمر دقیق آدرس او پټنځای له پخوا څخه معلوم و، خو امریکایي ځواکونو هېڅکله هم د هغه د منځه وړلو یا نیولو په اقدام لاس پورې نه کړ.
نوموړی وایي، دغه مذاکراتو اود طالبانو په اړه د امریکا موقف، جمهور رییس کرزی لا هم پر امریکا او د تروریزم پرخلاف جګړې باندې مشکوک کړ ‪. په هم دې دلیل هغه هم په قطر کې د طالبانو له دفتر او هم یې له امریکا سره د بې قید شرطه امنیتي تړون له لاسلیک څخه ډډه وکړه.
‪ ښاغلي فیضي د خپلو خبرو په پای کې ویلي، د امریکا د متحده ایالاتو اصلي موقف د طالبانو د مشر، ملا عمر په اړه څرګند و‪ ، دا به ناسمه نه وي که و وایوو چې په تېرو ۱۳ کلونو کې ملا عمر هېڅکله هم د امریکا د جنګ هدف نه و. امریکا ته د ملا عمر دقیق آدرس او پټنځای له پخوا څخه معلوم و، خو امریکایي ځواکونو هېڅکله هم د هغه د منځه وړلو یا نیولو په اقدام لاس پورې نه کړ.
‪ امریکا ته د ملا عمر دقیق آدرس او پټنځای له پخوا څخه معلوم و، خو امریکایي ځواکونو هېڅکله هم د هغه د منځه وړلو یا نیولو په اقدام لاس پورې نه کړ.
اوس چې د امریکا د دفاع وزارت رسماً دا تائيدوي چې ملا عمر او نور طالبان په افغانستان کې د امریکې د جنګ هدف نه دي، دا د یوې منظمې او پلان شوې ستراتیژۍ یو نوی پړاو دی‪. که څه هم دا موضوع اوس تازه په مطبوعاتو کې خبرسازه شوې ده، خو د امریکا متحده ایالاتو دا فیصله، د پورتنیو ټکو په اساس، کلونه مخکې کړې وه. ‪ څه چې ډېر مهم دي هغه دا چې د امریکا دغه اوسنی اعلان، یو ځل بیا په افغانستان کې د دغه هېواد ۱۳ کلنه جګړه او په سیمه کې جنګي ستراتیژي تر سوال لاندې راولي؛ ولې تر ۲۰۱۴‪ کال تر پایه طالبان د امریکا د جنګ هدف وو او سر له ۲۰۱۵ عیسوي کاله څخه نه؟ ولې په تېرو ۱۳ کلونو کې په زرهاوو افغانان د طالب په نامه د امریکا په دغه ناڅرګند جنګ کې ووژل شول او په زرهاوو نور ټپیان او زنداني شول؟ ‪
۱۳ کاله وروسته نن هم بې ګناه افغانان په کابل او د هېواد په نورو ښارونه او سیمو کې تر پخوا په ډېر شمېر د تروریزم قرباني کیږي او د طالب په نامه د دغو تروریستي حملو مسؤولیت هم په غاړه اخیستل کیږي.‪ آیا امریکا ته دا تروریزم او طالب نور تروریست نه دی؟ د ښاغلي ډانیلون هغه څرګندونې اوس د عمل جامه اغوندي.
جمهور آژآنس: کابل