طالبان خواستار همکاری صلیب سرخ برای تعیین سرنوشت زندانیان افغان در کشورهای خارجی شد
دوشنبه ۲۹ دلو ۱۴۰۳ ساعت ۰۹:۰۵
مولوی امیر خان متقی سرپرست وزارت امور خارجه گروه طالبان با رئیس عمومی کمیته بین‌المللی صلیب سرخ دیدار کرده و خواستار همکاری این نهاد برای معلوم نمودن سرنوشت زندانیان افغان در کشورهای خارجی شد.
به گزارش خبرگزاری جمهور، حافظ ضیاء معاون سخنگوی وزارت امور خارجه گروه طالبان امروز دوشنبه(29دلو) در صفحه اکس خود نوشته که مولوی امیر خان متقی سرپرست این وزارت با پییر کراهنبول رئیس عمومی کمیته بین‌المللی صلیب سرخ دیدار کرده است.
متقی در این دیدار از رئیس صلیب سرخ خواسته است تا در زمینه معلوم نمودن سرنوشت زندانیان افغان در کشورهای خارجی با این گروه همکاری کند.
کراهنبول گفته که اگرچه ممنوعیت دسترسی آنان به زندان‌ها از سوی برخی کشورها مانع تلاش‌های بشردوستانه برای یافتن افغان‌های زندانی و اطلاع‌رسانی به خانواده‌های آنان شده است؛ اما تلاش‌های خود را در این زمینه افزایش خواهند داد.
کد مطلب: 180236
