به گزارش خبرگزاری جمهور، ذبیح‌الله مجاهد، سخنگوی گروه طالبان امروز چهارشنبه(24 دلو) در صفحه اکس خود نوشته که به اساس حکم ملاهبت الله رهبر غایب این گروه مولوی عبیدالله امین‌زاده، والی پیشین تخار به حیث معین امور اجتماعی وزارت کار و امور اجتماعی و ضیاء‌الرحمن آریوبی، معین پیشین پلان و پالیسی وزارت معادن و پترولیم به حیث معین علمی وزارت تحصیلات عالی این گروه منصوب شدند.

 

رهبر گروه طالبان عبدالرحمن قانت، آمر پیشین نظارت بانک مرکزی را به حیث معین پلان و پالیسی وزارت معادن و پترولیم، مولوی سمیع‌الله حزب‌الله، قوماندان امنیه پیشین قندهار را به حیث والی تخار، مولوی عبدالاحد طالب، والی پیشین هلمند را به حیث قوماندان امنیه قندهار و لطف‌الله خیرخواه، معین پیشین علمی وزارت تحصیلات عالی را به حیث آمر نظارت بانک مرکزی گماشته است.

 

خبرگزاری جمهور