گروه طالبان: سرمایه‌گذاران اوزبیکستان خریدار ذغال سنگ افغانستان هستند
دوشنبه ۱۵ دلو ۱۴۰۳ ساعت ۰۸:۳۱
مسوولان گروه طالبان برای وزارت صنعت و تجارت کشور اعلام کرده که سرمایه‌گذاران اوزبیکستانی برای خریداری ذغال سنگ افغانستان علاقه‌مند هستند.
به گزارش خبرگزاری جمهور، وزارت صنعت و تجارت کشور تحت کنترل گروه طالبان بامداد امروز دوشنبه(15دلو) در اعلامیه‌ای گفته که نورالدین عزیزی، سرپرست این وزارت با هیات دولتی و سکتور خصوصی اوزبیکستان در کابل دیدار کرده است.
دو طرف پیرامون طی مراحل و آماده‌سازی موافقت‌نامه تجارت ترجیحی میان افغانستان و اوزبیکستان، پیش‌برد موضوعات مورد نیاز کارخانه سمنت و تأسیس آن در ولایت سمنگان و ایجاد خانه تجارت در هر کشور صحبت نمودند.
طالبان گفتند که هیات اوزبیکستان به هدف توازن در بیلانس تجارت میان افغانستان و اوزبیکستان، علاقه‌مندی و آمادگی‌شان را به واردات ذغال‌سنگ افغانستان ابراز و اعلام داشتند.
سرپرست وزارت صنعت و تجارت گروه طالبان با حمایت از برنامه‌های اعضای سکتورخصوصی آن کشور، پیشنهاد نموده که حداکثر به تعداد 5 نمایشگاه در سال از محصولات و تولیدات داخلی دو کشور، در مرکز تجارت بین‌المللی ترمذ برگزار گردد.
کد مطلب: 179890
