گروه طالبان به «واحده صافی» سناتور حکومت پیشین کارت مصئونیت داد
شنبه ۱۳ دلو ۱۴۰۳ ساعت ۱۴:۲۸
گروه طالبان اعلام کرده که، به شماری از شخصیت‌های حکومت پیشین به شمول واحده صافی سناتور پیشین کارت مصئونیت توزیع کرده است.
به گزارش خبرگزاری جمهور، ارگ کشور تحت کنترل گروه طالبان امروز شنبه(13دلو) با نشر اعلامیه‌ای گفته که مولوی ذاکرالله ذاکر رئیس عمومی دفتر معاونیت سیاسی این گروه برای شماری از مسوولان حکومت پیشین به شمول خانم واحده صافی سناتور پیشین کارت‌های مصئونیت توزیع کرده است.
گفتنی است که گروه طالبان اکثر افراد سیاسی و نظامی که از طریق کمیسیون تماس این گروه به کشور عودت کردند، گرفتار و حالا به بهانه‌های مختلف در زندان به سر می‌برند.
کد مطلب: 179846
