ابراز علاقه‌ی شرکت‌های عراقی برای سرمایه‌گذاری روی پروژه‌های انرژی افغانستان

 

به گزارش خبرگزاری جمهور، وزارت آب و انرژی گروه طالبان با صدور خبرنامه‌ای گفته که مولوی عبدالرحمن رحمانی، رئیس عمومی انرژی‌ پایدار این وزارت با مسؤولان گروپ شرکت‌های الراجی عراقی دیدار کرده و پیرامون سرمایه‌گذاری در پروژه‌های تولید انرژی از منابع مختلف گفتگو کردند.

 

رئیس عمومی انرژی پایدار از علاقه‌مندی سرمایه‌گذاری آنها در پروژه‌های انرژی استقبال نمود و از آنها خواسته که پیرامون انتخاب پروژه‌ها با تیم تخنیکی وزارت هماهنگی نمایند.

 

مسؤولان شرکت‌های گروپ الراجی از آمدن شان به افغانستان اظهار خرسندی نموده وعده سپردند که به زودی پروپوزل‌های مالی و تخنیکی شان را با گروه طالبان شریک خواهند کرد.

 

خبرگزاری جمهور