سرپرست وزارت صنعت گروه طالبان با سفیر اوزبیکستان دیدار کرد
سه شنبه ۲۰ قوس ۱۴۰۳ ساعت ۰۹:۵۴
نورالدین عزیزی سرپرست گروه طالبان برای وزارت صنعت و تجارت کشور با آیبیک عثمانوف سفیر اوزبیکستان دیدار کرده و در مورد پروژه‌های اقتصادی صحبت کردند.
به گزارش خبرگزاری جمهور، وزارت صنعت و تجارت کشور تحت کنترل گروه طالبان بامداد امروز سه‌شنبه (20 قوس) در اعلامیه‌ای گفته که نورالدین عزیزی، سرپرست این وزارت با آیبیک عثمانوف، سفیر اوزبیکستان در کابل دیدار کرده است.
دو طرف پیرامون تخصیص زمین جهت احداث کارخانه‌ی سمنت در ولایت سمنگان، اخذ مجوزهای مربوطه برای انتقال ماشینری و تجهیزات از اوزبیکستان به افغانستان برای عملی‌سازی پروژه‌های اکتشاف زمین‌شناسی در مناطق شمال کشور و اخذ سرتیفیکت استاندارد افغانستان برای دیزل مصنوعی اوزبیکستان، سرعت بخشیدن در اجرای پروژه احداث خط انتقال برق (سرخان- پلخمری) و امتداد آن تا شهر جلال‌آباد ولایت ننگرهار، انکشاف مرکز تجارت بین‌المللی ترمذ، احداث شفاخانه و تجهیزات رهایشی و توسعه این بازار به سمت افغانستان و برگزاری نمایشگاه بین‌المللی حلال در ترمذ صحبت کردند.
سفیر اوزبیکستان نورالدین عزیزی سرپرست وزارت صنعت و تجارت را جهت سفر به اوزبیکستان دعوت کرده است.
کد مطلب: 178490
