تثبیت 170 جریب زمین دولتی در ولایت سمنگان
يکشنبه ۲۷ عقرب ۱۴۰۳ ساعت ۰۹:۰۷
وزارت عدلیه گروه طالبان اعلام کرده که 170 جریب زمین را در ولایت سمنگان ثبت دولتی کرده است.
به گزارش خبرگزاری جمهور، وزارت عدلیه کشور تحت کنترل گروه طالبان بامداد امروز یک‌شنبه (27 عقرب) در اعلامیه‌ای گفته که نشست هیأت تخنیکی جلوگیری از غصب زمین ولایت سمنگان دوسیه‌های 182 جریب زمین در نقاط مختلف این ولایت را مورد بررسی قرار داده است.
طالبان گفتند که هیات تخنیکی در این نشست 170 جریب زمین علفچر را در ولسوالی دره صوف پایین این ولایت دولتی تثبیت کرد و فیصله نمودند که دوسیه این زمین‌ها بعد از طی مراحل به کمیسیون مرکزی ارسال گردد.
گفتنی است که هیات گروه طالبان در فقدان دانش نظارتی به گونه‌ی سلیقه‌ای ملکیت‌های مردم بی دفاع را تحت نام زمین‌هاي دولتی غصب می‌کنند.
کد مطلب: 177713
