جمهور - معادن اداری گروه طالبان با سفیر اوزبیکستان دیدار تودیعی کرد

معادن اداری گروه طالبان با سفیر اوزبیکستان دیدار تودیعی کرد

مولوی عبدالسلام حنفی معاون اداری گروه طالبان با خواجه شادمانوف سفیر اوزبیکستان دیدار تودیعی کرده و بر توسعه روابط این گروه با اوزبیکستان تاکید کرده است.

ارگ تحت کنترل گروه طالبان بامداد امروز سه‌شنبه (28 سنبله) اعلام کرد، مولوی عبدالسلام حنفی معاون اداری این گروه با یادگار خواجه شادمانوف سفیر اوزبیکستان دیدار تودیعی کرده است.

طالبان گفتند که یادگار خواجه شادمانوف که پس از دوازده سال ماموریت‌اش به عنوان سفیر در افغانستان به پایان رسیده، از روابط نیک این گروه با کشورش ابراز خرسندی نموده است.

او گفته که تاجران و سرمایه‌گذاران کشورش در بخش‌های مختلف به‌خصوص استخراج معادن و انرژی در افغانستان آماده سرمایه‌گذاری می‌باشند.

معاون اداری گروه طالبان گفته که امارت این گروه از سرمایه‌گذاری‌ها در بخش‌های مختلف در افغانستان استقبال می‌کند.

خبرگزاری جمهور