جمهور - گروه طالبان بر تقویت و رشد صنعت گردشگری با اوزبیکستان تاکید کردند

گروه طالبان بر تقویت و رشد صنعت گردشگری با اوزبیکستان تاکید کردند

ملا خیرالله خیرخواه سرپرست وزارت اطلاعات و فرهنگ گروه طالبان با آزادبیک اف وزیر فرهنگ اوزبیکستان دیدار کرده و بر تقویت و رشد صنعت گردشگری میان این گروه و اوزبیکستان تاکید کرده است.

وزارت اطلاعات و فرهنگ تحت کنترل گروه طالبان امروز شنبه (24 سنبله) اعلام کرد، ملا خیرالله خیرخواه سرپرست این وزارت با آزاد‌بیک اف وزیر فرهنگ اوزبیکستان در حاشیه نشست اتحاد فرهنگ‌ها در شهر سن‌پترزبورگ دیدار کرده است.

ملا خیرالله خیرخواه گفته که افغانستان و اوزبیکستان اشتراکات مذهبی، تاریخی و فرهنگی دارد که برای ما حایز اهمیت است.

این طالب بر تقویت و رشد صنعت گردشگری میان این گروه و اوزبیکستان تأکید کرده و ادعا ننموده که اکنون افغانستان پس از چهار دهه جنگ دارای امنیت است و فرصت مناسب برای رشد گردشگری داخلی و خارجی مساعد گردیده است.

آزادبیک اف وزیر فرهنگ اوزبیکستان هم گفته که اکنون فرصت مناسب برای روابط ایجاد گردیده است تا روابط میان اوزبیکستان و گروه طالبان تقویت گردد.

خبرگزاری جمهور