جمهور - ناروی 1.8 میلیون دالر به افغانستان کمک کرد

اوچا یا دفتر هماهنگی کمک‌های بشردوستانه سازمان ملل می‌گوید که دولت ناروی 1.8 میلیون دالر به افغانستان کمک کرده است.

این نهاد امروز یک‌شنبه 18 سنبله، با نشر اعلامیه‌ای گفته که این پول به صندوق بشردوستانه افغانستان کمک شده است.

در اعلامیه از این کمک نقدی ناروی قدردانی شده است.

اوچا گفته که ناروی طی 10 سال اخیر 189 میلیون کرون به صندوق بشردوستانه افغانستان کمک کرده است.

این در حالی است که پیش از این، نهادهای امداد رسان از عدم تمویل برنامه‌های کمک رسانی به نیازمندان در افغانستان ابراز نگرانی کرده‌اند.

به گفته این نهادها در سال جاری میلادی نزدیک به 24 میلیون نفر در افغانستان به کمک‌های بشردوستانه نیاز دارند که بخش بزرگ آنان به دلیل عدم تمویل برنامه‌های کمک‌رسانی، از برنامه باز مانده‌اند.

خبرگزاری جمهور