جمهور - معاون اقتصادی گروه طالبان به اوزبیکستان رفت

معاون اقتصادی گروه طالبان به اوزبیکستان رفت

ملاعبدالغنی برادر معاون اقتصادی ریاست الوزرای طالبان در رأس یک هیأت به اوزبیکستان رفته است.

دفتر معاونت اقتصادی حکومت گروه طالبان با نشر اعلامیه‌ای گفته که ملابرادر برای اشتراک در مراسم افتتاح "مرکز تجارت بین‌المللی ترمذ" به این شهر مرزی اوزبیکستان سفر کرده است.

بر بنیاد اعلامیه، قرار است مرکز تجارت بین‌المللی ترمذ امروز با حضور نخست‌وزیر اوزبیکستان، معاون نخست‌وزیر آذربایجان و مقام‌های عالی‌رتبه قزاقستان و قیرقیزستان افتتاح شود.

گفتنی است که اوزبیکستان پس از تسلط طالبان بر افغانستان، با کابل رابطه خوب دارد.

گفته می‌شود که اوزبیکستان به خاطر ترس از گروه‌های تروریستی مخالف دولت خود، با طالبان همکاری می‌کند.

خبرگزاری جمهور