مدال افتخاری ریاست جمهوری کوزوو به زنان افغانستان اهدا شد

عارفه فاطمی و مدینه دروازی دو تن از فعالان زن افغانستان می‌گویند که کوزوو مدال افتخاری ریاست‌جمهوری این کشور را به زنان افغانستان اهدا کرده‌است.

به گفته این دو فعال حقوق زن، این مدال افتخاری را روز دوشنبه 27 حمل، به نمایندگی از زنان افغانستان، از ویوسا عثمانی رییس جمهور کوزوو دریافت کرده‌اند.

این مدال در حاشیه نشست "زنان، صلح و امنیت" که در سال جاری میلادی در کوزوو در حال برگزاری است اهدا شده‌است‌.

ویوسا عثمانی رییس‌جمهور کوزوو در مراسم اهدای این مدال بر حمایت دولت‌اش از مبارزات زنان افغانستان تاکید کرده‎است.

خبرگزاری جمهور