یازدهمین نشست امنیتی هرات با تاکید بر اجتناب از تعامل جهان با طالبان در شهر دوشنبه تاجیکستان پایان یافت.
اشتراک کنندگان این نشست دو روزه، نسبت به تعامل جهان با طالبان هشدار دادند و بر ایجاد یک دیدگاه واحد بینالمللی در باره افغانستان تاکید کردند.
این نشست روز دوشنبه 6 قوس با اشتراک ده‌ها تن از فعالان سیاسی از افغانستان، منطقه و جهان در شهر دوشنبه پایتخت تاجیکستان آغاز و روز سه‌شنبه به کار خود پایان داد.
اشتراک کنندگان این نشست همچنین گفتند که طالبان حوصله جهان را سر برده اند.
آنان همچنین بر تشکیل دولت فراگیر در افغانستان، نظارت از کمک‌های بشردوستانه به مردم افغانستان و جلوگیری آن از رسیدن به طالبان، مبارزه با گروه‌های تروریستی و آپارتاید جنسیتی طالبان تاکید کردند.
گفتنی است که این دومین باری است که نشست امنیتی هرات در شهر دوشنبه پایتخت تاجیکستان برگزار می‌شود.
سال گذشته نیز این نشست در تاجیکستان برگزار شده بود.
خبرگزاری جمهور
