نیروهای ارتش تاجیکستان مانور نظامی کوتاهی را بر فراز مرز مشترک با افغانستان در شیرخان بندر برگزار کرد.
به گزارش خبرگزاری جمهور؛ باشندگان قندوز که این مانور نظامی را به چشم سر دیده، گفته اند که نیروهای ارتش تاجیکستان صبح امروز سه‌شنبه (27 ثور) مانور نظامی یک ساعته را بر فراز مرز مشترک دو کشور برگزار کردند.
به گفته شاهدان، این مانور نظامی هوایی و زمینی بدون شلیک و فقط به شکل ریژه نظامی برگزار شده است.
آنان تاکید کردند که نیروهای تاجیکستانی هیچ شلیکی انجام ندادند و فقط گشت زنی می‌کردند.
این در حالی است که گفته می‌شود، دو روز پیش نیروهای مرزی طالبان و تاجیکستانی پس از یک تنش لفظی حدود چهار ساعت در شیرخان بندر با هم درگیری کرده اند.
همچنین، هفته گذشته داعش از ولسوالی خواجه غار تخار 7 موشک به سمت خاک تاجیکستان پرتاب کرد.
خبرگزاری جمهور- کابل
