نشست وزیران خارجه افغانستان، پاکستان، چین و نیپال فردا برگزار می‌شود

قرار است نشست چهارجانبه وزیران خارجه افغانستان، چین، پاکستان و نیپال، فردا (دوشنبه 6 اسد) برگزار شود.

به گزارش خبرگزاری جمهور؛ این نشست ساعت 4:00 روز دوشنبه به وقت کابل از طریق کنفرانس ویدیویی برگزار خواهد شد.

وزارت امور خارجه می‌گوید که محورهای مورد بحث این نشست را مبارزه مشترک با شیوع ویروس کرونا و توسعه اقتصادی، گسترش همکاری‌ها و اتصال منطقه‌ای تشکیل می‌‌دهد.

گران هیواد، سخنگوی وزارت امور خارجه به رسانه‌ها گفته که این موضوعات از اولویت‌های سیاست‌ خارجی افغانستان به شمار می‌رود.

خبرگزاری جمهور- کابل