خوستیان:
له نظامه ملاتړ کو خو خپل هم ترې غواړو
 
د خوست اوسېدونکي وايي، که څه هم حکومت دغه ولایت ته پاملرنه نه ده کړې، خو له نظام څخه په کلکه ملاتړ کوي او خپل حق هم ترې غواړي.
تاریخ انتشار : شنبه ۲۱ اسد ۱۳۹۶ ساعت ۱۱:۰۴
کد مطلب: 97075
 
له نظامه ملاتړ کو خو خپل هم ترې غواړو
 
د خوست اوسېدونکي وايي، که څه هم حکومت دغه ولایت ته پاملرنه نه ده کړې، خو له نظام څخه په کلکه ملاتړ کوي او خپل حق هم ترې غواړي.
د جمهور آژانس د خبر له مخې د دغه ولایت ګڼ شمېر قومي مشران او مدني فعالان تېره ورځ په یوه غونده کې سره راټول شوي و، او له حکومته یې د خپل حق غوښتنه کوله.
د غونډې برخوالو ویل، چې په ډېرو سختو شرایطو کې یې رایه ورکړې، خو حکومت دغه ولایت ته څومره چې اړینه ده پاملرنه نه ده کړې.
د خوست د ولایتي شورا غړي، نور شاه نوراني پر ولسمشر غږ وکړ، چې د دغه ولایت امنیت او ثبات ته جدي پاملرنه وکړي.
نوموړي زیاته کړه، چې، حکومتي څوکۍ دې د شخصي سلیقو پر بنسټ نه وېشي، او خوستوالو ته دې په حکومت کې ونډه ورکړل شي.
دغه راز په غونده کې د خوست مدني فعالې کاملې اکبري و ویل، چې د ولس وجیبه دا ده، چې له خپل حکومت ملاتړ وکړي خو د حکومت وجیبه دا ده، چې د خپل ولس غږ واوري او امنیت یې ټینګ کړي.
د هغې په وینا، د ولس له ملاتړ پرته حکومت نشته او حکومت ته په کار ده، چې خپل ولس ته خدمت وکړي او د دوی ملاتړ خپل کړي.
جمهورآژانس:خوست
Share/Save/Bookmark