ښايي کابل او اسلام آباد پر سوداګریزه اړیکو غونډه جوړه کړي
 
افغان او پاکستاني چارواکو د دواړو هېوادونو تر منځ په سوداګریزه اړیکو خبرې اترې کړې او ښايي کابل کې د افغانستان او پاکستان تر منځ په دې اړه یوه غونده جوړه شي.
تاریخ انتشار : پنجشنبه ۱۹ اسد ۱۳۹۶ ساعت ۱۱:۴۷
کد مطلب: 97042
 
ښايي کابل او اسلام آباد پر سوداګریزه اړیکو غونډه جوړه کړي
 
افغان او پاکستاني چارواکو د دواړو هېوادونو تر منځ په سوداګریزه اړیکو خبرې اترې کړې او ښايي کابل کې د افغانستان او پاکستان تر منځ په دې اړه یوه غونده جوړه شي.
د جمهور آژانس د خبر له مخې د سوداګرۍ په تړاو خبرې اسلام آباد کې د افغان سفیر حضرت عمر زاخېلوال او د پاکستان د خزانې وزیر اسحاق ډار تر منځ شوې دي.
دوی دواړو تېره ورځ اسلام آباد کې سره لیدلي او ښاغلي زاخېلوال پر خپله فسبوک پانه لیکلي، چې له اسحاق ډار سره یې پر دوه اړخیزه تجاراتي اړیکو خبرې اترې ګټورې وې.
په ورته وخت کې پاکسستاني رسنۍ وايي، د ښاغلي ډار او ښاغلي زاخېلوال تر منځ راتلونکې میاشت کابل کې د افغانستان او پاکستان د سوداګریز کمېسیون تر منځ په یوه ناسته هم سلا شوې ده.
د پاکستان د مالیې وزیر اسحاق ډار ویلي، چې د دغه ناستې نېټه به د دواړو هېوادونو چارواکي ټاکي.
باید و ویل شي، چې د افغانستان او پاکستان تر منځ د اقتصادي کمېسیون غونډه د ۲۰۱۵ کال د نومبر په میاشت په اسلام آباد کې تر سره شوې وه.
دا په داسې حال کې ده، چې د پاکستاني چارواکو په خبره د دواړو هېوادونو تر منځ د سوداګریزه اړیکو پر سر خبرې له تېرو ۲۲ میاشتو راهیسې په تپه درېدلې وې.
جمهورآژانس:کابل
Share/Save/Bookmark