۰

هلمند کې ماین چاودنې شپږ پولیسو ته مرګ ژوبله اړولې

چهارشنبه ۳۱ جوزا ۱۳۹۶ ساعت ۱۲:۴۰
سیمه ییز چارواکي وايي، په هلمند ولایت کې د سړک د غاړې په یوه ماین چاودنه کې شپږ پولیسو ته مرګ ژوبله اوښتې ده.
هلمند کې ماین چاودنې شپږ پولیسو ته مرګ ژوبله اړولې
سیمه ییز چارواکي وايي، په هلمند ولایت کې د سړک د غاړې په یوه ماین چاودنه کې شپږ پولیسو ته مرګ ژوبله اوښتې ده.
د جمهور آژانس د خبر له مخې پېښه تېره ورځ شاوخوا یوه نیمه بجه د هلمند ولایت د ګرشک ولسوالۍ د نهر سراج په سیمه کې د کندهار پر لویه لار رامنځ ته شوې.
د هلمند د والي ویاند عمر ځواک وايي، پولیس په یاده سیمه کې پر ګزمه بوخت و، چې پر موتر یې د سړک د غاړې خښ شوی ماین چاودلی.
نوموړي زیاته کړه، چې په دغه چاودنه کې د يادې ولسوالۍ د شاهراه قوماندان جمعه خان دوستیار په ګډون څلور پولیس وژل شوي او دوه نور ټپیان شوي دي.
خو په ورته وخت کې د یاد ولایت ځینې امنیتی سرچینې وایي، په چاودنه کې شپږ پولیس وژل شوي دي.
تر اوسه د چاودنې مسؤولیت چا پر غاړه نه دی اخیستی.
جمهور آژانس:هلمند
نام شما

آدرس ايميل شما
نظر شما *

پربازدیدترین