افغانستان پاکستان ته د ترهګرو او د هغوی د روزنځایونو لست ورکړی

د افغان حکومت سرچینو ویليو کابل – اسلام آباد ته د ۸۵ ترهګرو او د هغوی د ۳۲ ترهګریزو روزنیزو مرکزونو لسېت سپارلی.
د جمهور آژانس د خبر له مخې د افغان حکومت یو سرچینې بي بي سي ته ویلي، چې افغانستان پاکستان ته د هغو ترهګرو او د هغوی د مرکزونو لېست، پتې او نقشې ورکړې دي، چې د پاکستان په دریو ایالتونو، بلوچسات، خیبرپښتونخوا او سند کې دي.
دغو سرچینو ویلي؛ افغانستان له پاکستان نه غوښتي چې د دغو "ترهګرو" او روزنیزو مرکزونو پروړاندې ګام پورته کړي او د دې په بدل کې به افغانستان د هغو ترهګرو پر وړاندې عملیات پیلوي چې اسلام اباد یې لست کابل ته سپارلی .
جمهورآژانس:کابل