ننګرهار:
د ۷ پاکستانیانو په ګدون ۹ وسله وال طالبان نیول شوي
 
سیمه ییز چارواکي وايي، افغان ځواکونو د ځانګړو عملیاتو پر مهال په ننګرهار ولایت کې ۹ وسله وال طالبان نیولي، چې ډېری یې پاکستانیان دي.
تاریخ انتشار : سه شنبه ۲۱ جدی ۱۳۹۵ ساعت ۱۴:۵۴
کد مطلب: 89931
 
د ۷ پاکستانیانو په ګدون ۹ وسله وال طالبان نیول شوي
 
سیمه ییز چارواکي وايي، افغان ځواکونو د ځانګړو عملیاتو پر مهال په ننګرهار ولایت کې ۹ وسله وال طالبان نیولي، چې ډېری یې پاکستانیان دي.
د جمهور آژانس د خبر له مخې دغه وسله وال تېره شپه د ننګرهار ولایت د غني خېلو ولسوالۍ دګولايي په سیمه کې نیول شوي دي.
د غني خېلو ولسوال عبدالوهاب وايي، د هوايي ډګر اړوند د ځانګړو ځواکونو ۰۲ قطعې په دغه سیمه کې عملیات وکړل، چې پر مهال یې ۹ وسله وال طالبان ونیول.
نوموړي زیاته کړې، چې په نیول شویو وسله والو کې ۷ تنه د پاکستان د سوات سیمې طالبان دي.
د ننګرهار د والي ویاند عطاالله خوږیاڼي هم د دغه وسله والو د نیول کېدو پخلی کوي او وایي امنیتي ځواکونو له ځان سره وړي دي.
نوموړی وايي د عملیاتو پر مهال د وسله والو یو شمېر درنې او سپکې وسلې هم د افغان ځواکونو لاس ته ورغلې دي.
خو وسله والو طالبانو تر اوسه په دې اړه څه نه دي ویلي.
جمهورآژانس:ننګرهار
Share/Save/Bookmark