۰
دوستم:

پاکستان او ګوډاګیان یې نور افغانستان کې پرمختګ نه شي کولی

دوشنبه ۱۹ میزان ۱۳۹۵ ساعت ۰۷:۵۰
د ولسمشر لومړی مرستیال جنرال عبدالرشید دوستم وايي، پاکستان او ګوډاګیان یې نور په افغانستان کې پرمختګ نه شي کولای او نه به هم کوم ولایت ته سقوط ورکړي.
پاکستان او ګوډاګیان یې نور افغانستان کې پرمختګ نه شي کولی
د ولسمشر لومړی مرستیال جنرال عبدالرشید دوستم وايي، پاکستان او ګوډاګیان یې نور په افغانستان کې پرمختګ نه شي کولای او نه به هم کوم ولایت ته سقوط ورکړي.
د جمهور آژانس د خبر له مخې دوستم چې تېرماښام له رسنیو سره خبرې کولې وویل، د پاکستان څارګره اداره آی اېس آی په افغانستان کې داسې جاسوسان لري، چې د کندوز په څېر ښارونو د سقوط پلانونه جوړوي.
خو په وینا یې پاکستان دې په دې پوه شي، چې د طالبانو په لاس د افغانستان کوم ولایت ته سقوط نه شي ورکولی.
جنرال دوسم وايي، که ولسمشر او امنیت شورا وغواړي، کولای شي، چې په څو ورځو کې له افغانستانه د پاکستانیانو او د هغوی د ګوډاګیانو ریښې وباسي.
نوموړي ډاډ ورکړ، چې افغان امنیتي ځواکونه به ډېر ژر د کندوز ښار له وسله والو طالبانو پاک کړي، خو په ورته وخت کې یې هغه پر جنرالانو او قوماندانانو هم نیوکه وکړه، چې په خپله د جګړې ډګر ته نه ورځي او امنیتي او دفاعيي سرتیري دي، چې د هېواد د دفاع په موخه قرباني ورکوي.
باید وویل شي، چې په کندوز کې له تېرو ۷ ورځو راهیسې د افغان ځواکونو او وسله والو طالبانو تر منځ سختې جګړې روانې دي.
تر اوسه د دغه جګړو د مرګ ژوبلې کره شمېره نه ده معلومه شوې، خو په زرګونو کورنۍ له کندوز ښاره وتلي او پاتې خلک له ګڼو ستونزو سره مخ دي.
جمهورآژانس:کندوز
نام شما

آدرس ايميل شما
نظر شما *

پربازدیدترین