۰

ننګرهار کې ۱۱۳ تنه وسله والو ته مرګ ژوبله اوښتې

دوشنبه ۸ سنبله ۱۳۹۵ ساعت ۱۵:۳۱
د ننګرهار چارواکي په دغه ولایت کې د ۱۱۳ تنو وسله والو طالبانو د مرګ ژوبلې خبر ورکوي، خو طالبانو دغه خبر رد کړی دی.
ننګرهار کې ۱۱۳ تنه وسله والو ته مرګ ژوبله اوښتې
د ننګرهار چارواکي په دغه ولایت کې د ۱۱۳ تنو وسله والو طالبانو د مرګ ژوبلې خبر ورکوي، خو طالبانو دغه خبر رد کړی دی.
د جمهور آژانس د خبر له مخې چارواکي زیاتوي، چې دغه مرګ ژوبله تېره شپه او نن سهار د ننګرهار په چپرهار ولسوالۍ کې وسله والو مخالفینو ته اوښتې.
د ننګرهار د والي ویاند عطاالله خوږیاڼی وايي، افغان ځواکونو د چپرهار ولسوالۍ په سپين جومات، څپرې او شين کندې په سيمو کې ځمکني او هوايي بریدونه تر سره کړي.
نوموړي زیاته کړه، چې په دغه عملیاتو کې ۷۶ وسله وال طالبان وژل شوي او ۳۷ تنه نور یې ټپیان شوي دي.
د والي
نوموړي زیاته کړه، چې په دغه عملیاتو کې ۷۶ وسله وال طالبان وژل شوي او ۳۷ تنه نور یې ټپیان شوي دي.
ویاند زیاتوي، چې په دې عملیاتو کې د وسله والو ګڼ شمېر وسلې او مهمات هم له منځه وړل شوي او ولسي وګړو او امنیتي ځواکونو ته هېڅ ډول زیان نه دی اوښتی.
بل خوا طالبانو په یاده سیمه کې د جګړې پخلی کړی خو د خپلو پنځو ملګرو د وژل کېدو او درې نورو د تپي کېدو خبره یې منلې ده.
طالب ویاند ذبیح الله مجاهد وايي د سپين جومات په سیمه کې د طالبانو په ځوابیه برید کې ۲۰ کورنيو او بهرنیو سرتېرو ته مرګ ژوبله اوښتې ده.
په ورته وخت کې د ننګرهار د ولایتي شورا غړی ذبیح الله زمري او د سیمې اوسېدونکي ویلي، چې وسله وال د یادې سیمې په یوه جومات کې راټول شوي و، چې بمبار پرې شوی دی.
زمري ویلي، چې په دغه بمبار کې ګڼ شمېر وسله وال وژل شوي او جومات هم شهید شوی دی، خو د والي ویاند د جومات شهېدېدل رد کړي دي.
جمهورآژانس:ننګرهار
نام شما

آدرس ايميل شما
نظر شما *

پربازدیدترین