ننګرهار کې ۲۴ داعش او طالب وسله وال وژل شوي

چارواکي وايي، په ننګرهار ولایت کې د افغان ځواکونو په عملیاتو کې ۲۴ داعش او طالب وسله وال وژل شوي.
د جمهور آژانس د خبر له مخې د ننګرهار له مطبوعاتي دفتره خپره شوې خبرپاڼه کې راغلي، چې دغه عملیات د ننګرهار په حصارک او اچین ولسوالیو کې تر سره وي دي.
سرچینه وایي، په حصارک ولسوالۍ کې د دریو قوماندانانو په ګډون ۱۲ طالبان وژل شوي او ګڼ شمېر نور ټپیان شوي دي.
په ورته وخت کې د ۲۰۱ سېلاب قول اردو څخه خپره شوې خبرپاڼه بیا وايي، په اچین ولسوالۍ کې د قهر سیلاب عملیاتو پرمهال ۱۲ داعش وسله وال وژل شوي او ۶ نور یې ټپيان دي.
خو دواړو ډلو تر اوسه په دې اړه څه نه دي ویلي.
جمهورآژانس:ننګرهار