معصوم ستانکزی د ملي امنیت رییس او عبدالله حبیبي دفاع وزیر شو

محمد معصوم ستانکزی د ملي امنیت د رییس او عبدالله حبیبي د فاع وزیر په توګه د ولسي جرګې له خوا د تاييد رایه تر لاسه کړه.
د جمهور آژانس د خبر له مخې ښاغلي ستانکزی او ښاغلی حبیبي نن د ولسي جرګې عمومي غونډې ته د کاري پلان د وړاندې کولو او رایې تر لاسه کولو له پاره ورغوښتل شوي.
د دواړو چارواکو د کاري پلانونو تر وړاندې کولو وروسته، ولسي جرګې یادو نوماندانو ته د رایې صندوقونه کېښودل او رایه واچول شوه.
د ولسي جرګې د نن ورځې نصاب ۲۲۴ تنه و او له دغه نصاب څخه هر نوماند ته ۱۱۳ رایې تر لاسه کولې اړین وو.
ملي امنیت ته نوماند محمد معصوم ستانکزي د ولسي جرګې څخه د ۱۶۱ رایو په تر لاسه کولو سره وکولای شوای، د ملي امنیت ریاست څوکۍ خپله کړي.
د ملي دفاع وزارت ته نوماند عبدالله حبیبي د ۱۶۷ تاييد رایو په تر لاسه کولو سره وکولای شول، چې د ملي دفاع وزارت څوک خپله کړي.
باید وویل شي، چې د ولسي جرګې د نن ورځې غونډې ته د سترې محکمې د غړي په توګه محمد زمان سنګري هم د ورمعرفي شوی وو چې د خپل کاري پلان تر وړاندې کولو وروسته یې د ولسي جرګې څخه ۱۳۲ تاييد رایې تر لاسه او د سترې محکمې عضویت یې تر لاسه کړ.
جمهورآژانس:کابل