په تورخم کې اوربند اعلان شو

په اسلام آباد کې د افغان سفیر حضرت عمر زاخېلوال او پاکستاني چارواکو تر منځ پر اوربند تر موافقې وروسته افغان او پاکستاني ځواکونو په تورخم کې اوربند وکړ.
د جمهور آژانس د خبر له مخې ویل کېږي، له دغه موافقې وروسته دواړو لورو د ډېورنډ فرضي کرښې دواړو خواو ته د سولې او اوربند په نښه سپین بیرغونه پورته کړل.
باکستان وايي د اوربند له موافقې وروسته پاکستان پر کرښه د دروازې د جوړولو کار بېرته پیل کړی خو په اسلام آباد کې د افغانستان سفیر زاخېلوال
د افغانستان او پاکستان ځواکونو په تورخم کې اوربند وکړ دواړو خواوو موافقه کړې چې د دروازې د جوړولو کار به درول کېږي او وروسته به پرې موضوع خبرې کېږي.
باید وویل شي، چې د افغان او پاکستاني ځواکونو تر منځ له تېرو دریو ورځو راهیسې درې وارې جګړه رامنځ ته شوې، چې په ترڅ کې یې دواړو لورو ته مرګ ژوبله واوښته.
د جګړې د پیل له پاره لومړی برید پاکستاني ځواکونو هغه مهال وکړ، چې افغان ځواکونو په صفري نقطه کې د دوی د دروازې جوړولو مخه ونیوله.
جمهورآژانس:کابل