ناروې له افغانستان سره ۲۰ میلیونه ډالره مرسته کوي

د ناروې د بهرنیو چارو وزیر بورګ برنډوايي، هېواد به یې له افغانستان سره په بشري برخو کې ۲۰ میلیونه امریکايي ډالر مرسته وکړي.
د جمهور آژانس د خبر له مخې ښاغلی برنډ پرون شنبې افغانستان ته راغلی و او کابل کې یې د یوې خبري غونډې پر مهال دغه خبرې وکړې.
نوموړي په خپلو خبرو کې وویل، چې د افغانستان نازکو حالاتو ته په کتو ناروې پرېکړه کړې، چې په ۲۰۱۶ میلادي کال کې له افغانستان سره ۲۰ میلیونه دالر مرسته وکړي.
دی زیاتوي، چې روغتيايي، پوهنیز ستونزې او د افغان ځوانانو بې روزګاري هغه مکلات دي، چې دا مهال ۸ میلیونه افغانان یې عاجلو مرستو ته اړ کړي.
ښاغلي برنډ وویل، چې ناروې به دغه پيسې په افغانستان کې د پوهنې، پاکو او اوبو او خوړو، صحي برخو او د کډوالو او بې ځایو شویو په چارو و لګول شي.
د ناروې د بهرنیو چارو وزیر د افغانستان حالات نازک وبلل او له ټولو ښکېلو غاړو یې وغوښتلو چې بشري مرستو ته د خلکو د لاس رسي مخنیوی و نه کړي.
د ناروې د بهرنیو چارو وزیر بورګ برانډ همدارنګه د افغانستان په حکومت کې د فساد یادونه کوي خو په وینا یې دا باید د نړیوالو مرستو د بندیدو په معنی نه وي.
جمهورآژانس:کابل