۰
ملګري ملتونه:

د کندوز په جګړه نېږدې ۱۰۰۰ تنو ته مرګ ژوبله اوښتې

يکشنبه ۲۲ قوس ۱۳۹۴ ساعت ۰۸:۰۳
ملګرو ملتونو په یوه تازه راپور کې ویلي، چې په هغه جګړه کې چې یوه میاشت وړاندې د افغانستان په کندوز ولایت کې وشوه، نېږدې ۱۰۰۰ تنو ته مرګ ژوبله اوښتې ده.
د کندوز په جګړه نېږدې ۱۰۰۰ تنو ته مرګ ژوبله اوښتې
ملګرو ملتونو په یوه تازه راپور کې ویلي، چې په هغه جګړه کې چې یوه میاشت وړاندې د افغانستان په کندوز ولایت کې وشوه، نېږدې ۱۰۰۰ تنو ته مرګ ژوبله اوښتې ده.
د جمهور آژآنس د خبر له مخې یاد راپور کې ویل شوي، دغه جګړه چې پر مهال یې کندوز ولایت مرکز د څو ورځو له پاره د وسله والوطالبانو لاس ته ولوېد د جګړې اکثریت قربانیان ولسي وګړي دي.
د ملګرو ملتونو د دغه راپور پر بنسټ په دې جګړه کې ۲۸۹ تنه ملکي وګړي وژل شوي او ۵۵۹ تنه نور ژوبل شوي دی.
په افغانستان کې د ملګرو ملتونو سیاسي دفتر (یوناما) وايي، دغه کسان د طالبانو لاس ته د کندوز د لویدو او بیرته د افغان ځواکونو له لوري د هغه د نیول کیدو پر مهال د دواړو لورو له خوا وژل شوي دي.
دغه راز په دې راپور کې ویل شوي، هغه بمبار چې د امریکايي ځواکونو له خوا په کندوز ولایت کې د بې پولې ډکترانو په روغتون شوی، په کې ۳۸ تنه وژل شوي دي، چې ۱۴ یې ډاکتران او نرسان او ۲۴ تنه یې ناروغان دي.
خو د بې پولې ډاکترانو ټولنه وايي، په روغتون په برید کې ټولټال ۴۲ تنه وژل شوي دي.
باید وویل شي، چې کندوز تر نیولو وروسته د دریو ورځو له پاره د وسله والو طالبانو په لاس کې و، خو افغان ځواکونو په دوه اونیو کې بېرته امنیت په کې خوندي کړ.
جمهور آژانس:کابل
نام شما

آدرس ايميل شما
نظر شما *

پربازدیدترین