یو پاکستانۍ وسله وال او ۳ قاچاق وړونکي نیول شوي

امنیتي چارواکي وايي، ملي امنیت ځواکونو په ننګرهار ولایت کې یو پاکستانۍ وسله وال او درې قاچاق وړونکي له نشه يي توکو سره یو ځای نیولي.
د جمهور آژانس د خبر له مخې د ننګرهار امنیه قومانداني زیاتوي، چې دغه وسله وال او قاچاق وړونکي د ننګرهار په مرکز، اچین او مهمندرې ولسوالیو کې نیول شوي دي.
د ننګرهار د امنیه قوماندانۍ ویاند حضرت حسین مشرقیوال وايي، لومړي د اچین ولسوالۍ د ملي امنیت ځواکونو د کهي بازار په سیمه کې یو تن پاکستانی وسله وال نیولی.
نوموړي زیاته کړه، چې نیول شوی پاکستانی وسله وال حیدر علي نومېږي او د پاکستان د صوات اوسېدونکی دی، چې دا مهال پوښتنې ګروېږنې ترې روانې دي.
په ننګرهار کې دغه پاکستانی وسله وال پر داسې مهال نیول کېږي، چې څو ورځې وړاندې په خوست ولایت کې د ملي اردو له خوا ۲۲ تنه وژل شوي پاکستانیو وسله والو مړي د پښتونخوا په دیر سیمه کې خاورو ته وسپارل شول.
دغه وسله والو د پاکستان د مجاهدین البد ډلې کسانو، چې پر تابوتونو یې هم مجاهدین البدر لیکل شوي وو.
بل خوا مشرقیوال زیاتوي، چې د امنیتې قوماندانۍ ځواکونو د مهمندرې ولسوالۍ په باسول په سیمه کې دوه تنه له ۷ کیلوګرامه خامو چرسو سره یو ځای نیولي دي.
نوموړي وویل چې نیول شوي کسان سید فاروق او حیدر نومېږي، خو د هغوی د هویت په اړه یې څه نه دي ویلي.
دغه راز نوموړي زیاته کړه، چې چې د جلال اباد ښار لومړي امنیتي حوزي د دغه ښار دسراج العمات په بڼ کې یو تن وحیدالله دیوویشت پوړیو هیروینو سره یو ځای نیولی دی.
جمهور آژآنس
معروف سادات:ننګرهار