رپوټونه وايي، فرانسه کې یو اروګادۍ له خپلې پټلۍ وتلی او چپه شوي، چې له امله یې ۲۱ تنو سورلۍ ته مرګ ژوبله اوښتې ده.
د جمهور آژآنس د خبر له مخې دغه پېښه د فرانسې ختیځ سټراسبورګ کې پر نوې پټلۍ د آزمیښتي سفر پر مهال رامنځ ته شوې ده.
رپوټونه زیاتوي، چې په اورګاډي کې ټول ۴۹ تنه سپاره و، چې ۱۰ وژل شوي او ۱۱ نور ټپیان شوي دي.
چارواکو ویلي، چې اروګاډي له حده زیات ګړندۍ تګ کاوه، چې له لیکې له وتلو سره سم یې اور اخستی او وروسته یوې ویالې ته لوېدلی دی.
د فرانسې خبري رسنۍ وايي، د ترانسپورت وزیر الان ویدالیس او د چاپېریال وزیره سیګولان رویال د پېښې ځای ته روغلي دي.
جمهور آژآنس:کابل