بې پېلوټه الوتکې ننګرهار کې ۱۶ وسله وال وژلي

امنیتي سرچینې وایي، د امریکا بې پیلوټه الوتکې په ننګرهار ولایت کې وسله وال په نښه کړی او ۱۶ تنه یې وژلي.
د جمهور اژانس د خبر له مخې امریکايي بې پلوته الوتکې تېره ورځ د ننګرهار په نازیانو ولسوالۍ کې دېورنډ کرښې ته څېرمه په یوه کور برید تر سره کړی.
امنیتي سرچینې وايي، په دغه کور کې ۶ وسله وال وژل شوي، چې د داعش دلې اړوند کسان دي.
سرچینه زیاتویو چې په ورته وخت کې وروسته یوې بلې بې پېلوټه الوتکې د ننګرهار ولایت په بندر سیمه کې د سختدریځو یو پناهځای په نښه کړ.
امنیتي سرچینې وايي چې بې پېلوټه الوتکې دغه پناهځای په دوو توغندو وویشت او د داعش۱۰ مشکوک ترهګر یې ووژل.
جمهور اژانس
معروف سادات:ننګرهار