افغان ځواکونه باید غير سياسي او غير حزبي وي

افغان ولسمشر اشرف غني له ټولو کړيو څخه له امنيتي ځواکونو د ملاتړ د غوښتنې تر څنګ ويلي چې افغان امنيتي او دفاعي ځواکونه بايد افغان شموله، غير سياسي او غير حزبي وي.
د جمهور آژآنس د خبر له مخې ښاغلي غني دغه څرګندونې تېره ورځ د هېواد دفاعي پوهنتون، پولیسو اکاډمۍ او د ملي امنیت له محصلینو سره په خبرو کې وکړې.
ښاغلي غني په خپلو خبرو کې وویل چې امنيتي او دفاعي ځواکونه د هېواد د ثبات او استقرار اساسي بنسټونه دي او باید چې غیر سیاسي او حزبي وي.
ولسمشر وايي، ځينې بدمرغې کړۍ غواړي چې د پخوانیو ناخوالو په تکرار سره د افغان ځواکونو دفترونه او وسلې چور کړي، خو ولسمشر ټینګار کړی چې هغوی به هېڅکله بیا دې هیلې ته ونه رسېږي.
جمهور آژآنس:کابل