طالبانو دوه ځلي د اروزګان د سقوط هڅه وکړه

په سویلي کندهار ولایت کې د افغان پوځ چارواکي وايي، په تېرو څو میاشتو کې وسله والو طالبانو دوه ځلې د اروزګان د سقوط هڅه وکړه، خو هر ځل د افغان ځواکونو له سخت مقاومت سره مخ او پلانونه یې ور شنډ کړای شول.
دا خبره په کندهار کې د ۲۰۵ اتل قول اردو قوماندان تورن جنرال داوود شاه وفادار تېره ورځ په یوه خبري غونده کې وکړه او ویې ویل، چې افغان ځواکونو په تېرو شپږو میاشتو کې له وسله والو طالبانو سره سختي جګړې کړې دي.
جنرال وفادار زیاته کړه، چې افغان ځواکونه له کومي ستونزي پرته د خپلې خاورې او خلکو د ساتني جوګه دي او نه پرېږدي چې دښمن کومه سيمه ونيسي.
نوموړي زياته کړه، چي په هلمند کې د سري قطعي او همدا راز د اسلامي کمانډو ډلو وسله والو طالبانو دوه ځله د اروزګان د سقوط هڅه وکړه چې افغان ځواکونو کلک مخنیوی وکړ.
د نوموړي په خبره په دغه جګړو کې لږ تر لږه ۲زره وسله والو طالبانو ته مرګ ژوبله واوښته او ورته معلومه شوه، چې د اروزګان د نیولو په موخه یې هره هڅه او پلان کار نه شي ورکولای.
د نوموړي د څرګندونو له مخي چې.
جنرال وفادار خبر ورکړ، د افغان پوځ مورال قوي دی، په هر ډول وسلو او مهماتو مجهز دي چي د طالبانو د ځپلو لپاره يې(MD۵۳۰) ډوله الوتکي هم تر لاسه کړي چې د ازمايلو پر مهال يې ښه نتيجه ورکړې ده.
هغه ډاډ ورکړ چې وسله وال مخالفين به ونشي کولاى کومې سيمې ته سقوط ورکړي خو وايې وسله وال مخالفين په تبليغاتي برخه کې زيات پياوړي دي.
جمهور آژآنس:اروزګان