۰
ولسمشرکرزی:

تمه ده راتلونکی حکومت له روسیې سره اړیکو ته دوام ورکړي

چهارشنبه ۲۱ جوزا ۱۳۹۳ ساعت ۱۱:۱۶
ولسمشر حامد کرزي د افغانستان له پاره د روسیې هېواد له ځانګړي استازي سره د کتنې پر مهال ټينګار وکړ، چې راتلونکی افغان حکومت به له روسیې سره خپلو اړیکو ته دوام ورکړي.
تمه ده راتلونکی حکومت له روسیې سره اړیکو ته دوام ورکړي

 ولسمشر حامد کرزي د افغانستان له پاره د روسیې هېواد له ځانګړي استازي سره د کتنې پر مهال ټينګار وکړ، چې راتلونکی افغان حکومت به له روسیې سره خپلو اړیکو ته دوام ورکړي.
د جمهور آژانس د خبر له مخې ولسمشر کرزي تېره ورځ په ارګ کې د افغانستان له پاره د روسیې له ځانګړي استازي ضمیر کابلوف سره وکتل.
په دغه کتنه د دواړو هېوادونو تر منځ د اړیکو او د افغانستان د جمهوري ریاست د دوهم پړاو ټاکنو په اړه بحث او خبرې اترې وشوې.
د رپوټونو له مخې ولسمشر کرزي په خپلو خبرو کې ټینګار وکړ چې د افغانستان نوی حکومت به له روسیې سره خپلو دوستانه اړیکو ته دوام ورکړي.
ښاغلي کرزي په خپلو خبرو کې زیاته کړې، چې له روسیې سره اړیکې د افغانستان لپاره ځانګړی اهمیت لري.
په ورته وخت کې د افغانستان لپاره د روسیې ځانګړي استازي ضمیر کابلوف و ویل چې روسیه او افغانستان جغرافیایي نیږدیوالی او ګډې ګټې لري.
هغه زیاته کړې، چې د روسيې او افغانستان تر منځ د اړیکو پراختیا د روسیې لپاره اهمیت لري.
جمهور آژانس: کابل

نام شما

آدرس ايميل شما
نظر شما *

پربازدیدترین